ހދ. ހަނިމާދޫގައި ފެނުގެ ޚިދުމަތް ފޯރުކޮށްދެމުންދާ ފެނަކަ ބުރާންޗުން ހާމަކުރައްވާފައިވާ ގޮތުގައި، ރަށުގެ ފެނުގެ ޚިދުމަތަށް ބުރޫއެރުމުގެ ބިރު މިވަނީ ހީވާންފަށާފައެވެ. މިހެން ދިމާވާން ޖެހުނީ ފެން ޕްލާންޓުން ފެން އުފައްދާ މިންވަރަށްވުރެ ބޭނުންކުރާ މިންވަރު ގިނަވުމުގެ ސަބަބުން، ރަށަށް ފެން ފޯރުކޮށްދިނުމަށް ބޭނުންކުރާ ސްޓޯރު ޓޭންކުތައް ހުސްވަމުންދާތީ އެވެ.
ހަނިމާދޫ ފެނަކާން ބުނީ ސްޓޯރު ޓޭންކު ހުސްވެއްޖެނަމަ، ޓޭންކަށް ފެން ގިނަކުރުމަށްޓަކައި، ވަގުތީ ގޮތުން ފެނުގެ ޚިދުމަތް މެދުކަނޑާލަން ޖެހިދާނެކަމަށެވެ. މިކަމަށް ހައްލެއް ލިބި، ޓޭންކުތަކުގައި ފެން ރައްކާކުރެވޭ މިންވަރު އިތުރުކުރެވޭނެ ގޮތެއް ހަމަޖެހެންދެން، މިގޮތަށް އަމަލުކުރަމުންދާނެ ކަމަށް ވަނީ އަންގާފައެވެ.
“22-08-2025 ވަަނަ ދުވަހުން ފެށިގެން މިކަން ހައްލުވަންދެން މިގޮތަށް އަމަލަކުރަމުންދާނެ ކަމުގައި ދަންނަވަން” ހަނިމާދޫ ފެނަކަ
ފެނުގެ ޚިދުމަތް މެދުކެނޑުމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް ފެނުގެ ޚިދުމަތްދޭ ފަރާތުން ވަނީ ނިހާޔަތަށް މަޢާފަށް އެދިފައެވެ.
