ޝަރަފުވެރިކަމުގެ ގައުމީ އިނާމު، މިއަހަރު ނިޔާވި ލަވަކިޔުންތެރިޔާ މުހައްމަދު މާޖިދު (މެޒޯ މުހައްމަދު) އަށް އަރުވައިފިއެވެ.
މިއަދު ހއ. އުތީމުގައި ބޭއްވި ގައުމީ ދުވަހުގެ ޖަލްސާގައި މެޒޯ މުހައްމަދަށް ޝަރަފުވެރިކަމުގެ އިނާމު އެރުވީ އޭނާގެ ހަނދާނުގައެވެ. އޭނާގެ ފަރާތުން ޝަރަފުގެ އައްޑަނަ އާ ހަވާލުވެވަޑައިގަތީ ދަރިކަނބަލުން މީރާ މުހައްމަދު މާޖިދުއެވެ.
މެޒޯ މުހައްމަދަށް ވަނީ މީގެކުރިން ހިތްވަރުދިނުމުގެ ގައުމީ އިނާމުވެސް ލިބިފައެވެ.
ސިއްހީ ހާލަތު ގޯސްވެގެން، އުމުރުން 59 އަހަރުގެ މެޒޯ މުހައްމަދު ނިޔާވީ އައިޖީއެމްއެޗްގައި ފަރުވާދެމުން ދަނިކޮށް މިއަހަރު ފެބްރުއަރީ މަހުގެ 12ގައެވެ.
