ހަނިމާދޫ ކައުންސިލުން ކުރިއަށް ގެންދިޔަ ޖަވާހިރުލް ޤުރުއާން މުބާރާތް 1445 އާކިލް މުޙައްމަދު ޙަސަން، ފިތުރޯނުގެ އާއި އައްޔޫބް ޢަބްދުﷲ ރަޝީދު، ކޮރަލް ކާމިޔާބު ކޮށްފިއެވެ. އައްޔޫބު މުބާރާތުގެ އެއްވަނަ ހޯދީ ބަލައިގެން ކިޔެވުމުގެ ގޮފިންނެވެ. އާކިލް އެއްވަނަ ހާސިލްކުރީ ހިތުން ކިޔެވުމުގެ ގޮފިންނެވެ.
މިފަހަރުގެ މުބާރާތަށް އިންސާފުކޮށްދެއްވީ އަލްޤާރީ ސުހައިލް ޢަލީ، އަލްޤާރީ އަޙުމަދު އައުސަމް، އަލްޤާރީ އަހުމަދު ނަވީން އާދަމް އެވެ.
މި މުބާރާތް ކުރިއަށް ގެންގޮސްފައިވަނީ ކީ ސްޓޭޖްތަކަށް ބަހާލައިގެންނެވެ. މުބާރާތުގައި 88 ދަރިވަރުން ވަނީ ބައިވެރި ވެފައެވެ. އެގޮތުން ފައުންޑޭޝަން ސްޓޭޖުން ބަލައިގެން ކިޔެވުމުގެ ގޮފިން 3 ދަރިވަރުން ބައިވެރި ވެފައިވާއިރު 6 ދަރިވަރުން ވަނީ ނުބަލައި ކިޔެވުމުގެ ގޮފީގައި ބައިވެރިވެފައެވެ. ކީ ސްޓޭޖު 1 ން 7 ދަރިވަރުން ހިތުން ކިޔެވިއިރު، ބަލައިގެން 11 ދަރިވަރުން ކިޔެވިއެވެ. ކީ ސްޓޭޖް 2 ބަލައިގެން 25 ދަރިވަރުން ކިޔެވިއިރު ނުބަލާ ކިޔެވީ 1 ދަރިވަރެވެ. ކީ ސްޓޭޖް 3 ން 20 ދަރިވަރުން ބަލައިގެން ކިޔެވިއިރު ކީ ސްޓޭޖް 4 ން 9 ދަރިވަރުން ބަލައިގެން ކިޔެވިއެވެ. އަދި ކީ ސްޓޭޖް 5 ން 6 ދަރިވަރުން ބަލައިގެން ކިޔެވިއެވެ.
ރޭ ބޭއްވި މުބާރާތް ނިންމުމުގެ ހަފުލާގައި ވަނީ ކީ ސްޓޭޖްތަކުން ވަނަ ވަނައަށް ދިޔަ ދަރިވަރުންނާއި ގޮފިތަކުން ވަނަ ވަނައަށް ދިޔަ ދަރިވަރުންނަށް ހަނިމާދޫ ކައުންސިލުން ދޭ ސެޓްފިކެޓް އަދި ފައިސާގެ އިނާމް ހަވާލު ކޮށްފައެވެ.
މުބާރާތުގެ ވަނަތައް
ފައުންޑޭޝަން ނުބަލާކިޔެވުން ގޮފި
* 3 ވަނަ: މުސްޢަބް ބިން ޢަލީ ނަދީމް، ދޭދަރުގެ، ހަނިމާދޫ
* 1 ވަނަ: ޔައިލް މުޙައްމަދު އަޙުމަދު، އިތާ، ހަނިމާދޫ
ކީސްޓޭޖް 1 ނުބަލާކިޔެވުން ގޮފި
* 3 ވަނަ: ޢާއިޝަތު އަމްނާ އަކްރަމް، އައްސޭރި، ހަނިމާދޫ
* 2 ވަނަ: މާކިން ބިން މުޙައްމަދު އަޝްރަފް، ސިޑްނީ، ހަނިމާދޫ
* 1 ވަނަ: އާކިލް މުޙައްމަދު ޙަސަން، ފިތުރޯނުގެ، ހަނިމާދޫ
ކީސްޓޭޖް 1 ބަލައިގެން ކިޔެވުމުގެ ގޮފި
* 1 ވަނަ: ޢާއިޝަތު އީލިޔާ ޙުސައިން، ބިއްލޫރިޖެހިގެ، ހަނިމާދޫ
ކީސްޓޭޖް 2 ބަލައިގެން ކިޔެވުމުގެ ގޮފި
* މަހުދީ ބިން ޢަލީ، ލައިޓްސްކައި، ހަނިމާދޫ
ކީސްޓޭޖް 3 ބަލައިގެން ކިޔެވުމުގެ ގޮފި
* 3 ވަނަ: އަނަސް ބިން އާދަމް ޛަބީޙު، ހައިވަކަރުގެ، ހަނިމާދޫ
* 2 ވަނަ: އާމިނަތު އަންޖަލް ޙުސައިން، ގަހާ، ހަނިމާދޫ
* 1 ވަނަ: އައްޔޫބް ޢަބްދުﷲ ރަޝީދު، ކޮރަލް، ހަނިމާދޫ
ކީސްޓޭޖް 4 ބަލައިގެން ކިޔެވުމުގެ ގޮފި
* 3 ވަނަ: އާޔާ ޢަލީ، މިޔުރެކްސް، ހަނިމާދޫ
* 2 ވަނަ: އީމާ އަޝްރަފް، ދެރަހަ، ހަނިމާދޫ
* 1 ވަނަ: ޝަބާ އަބްދުﷲ ރަޝީދު، ކޮރަލް، ހަނިމާދޫ
ކީސްޓޭޖް 5 ބަލައިގެން ކިޔެވުމުގެ ގޮފި
* 3 ވަނަ: ހިދާޔާ މުޙައްމަދު، އުޑުވިލާ، ހަނިމާދޫ
* 2 ވަނަ: ޝާޔާ އަޙްމަދު ރައޫފް، ވިއު، ހަނިމާދޫ
* 1 ވަނަ: މަރްޔަމް އިބާ، އެނގަކުރި، ހަނިމާދޫ
މުޅިމުބާރާތުން ބަލައިގެން ކިޔެވުން ގޮފި
* 3 ވަނަ: ޝަބާ އަބްދުﷲ ރަޝީދު، ކޮރަލް، ހަނިމާދޫ
* 2 ވަނަ: އާމިނަތު އަންޖަލް ޙުސައިން، ގަހާ، ހަނިމާދޫ
* 1 ވަނަ: އައްޔޫބް ޢަބްދުﷲ ރަޝީދު، ކޮރަލް، ހަނިމާދޫ
މުޅިމުބާރާތުން ނުބަލާކިޔެވުން ގޮފި
* 3 ވަނަ: ޔައިލް މުޙައްމަދު އަޙުމަދު، އިތާ، ހަނިމާދޫ
* 2 ވަނަ: މާކިން ބިން މުޙައްމަދު އަޝްރަަފް، ސީޑްނީ، ހަނިމާދޫ
* 1 ވަނަ: އާކިލް މުޙައްމަދު ޙަސަން، ފިތުރޯނުގެ، ހަނިމާދޫ
މިމުބާރާތުގެ ވަނަތަކަށް ހޮވުނު ދަރިވަރުންނަށް ވަނީ ފައިސާގެ އިނާމު ދީފައެވެ. އެގޮތުންްް ކީސްޓޭޖް ތަކުން އެއްވަނައަށް ހޮވޭ ދަރިވަރަކަށް 2000 ރުފިޔާ ލިބޭއިރު، 2 ވަނައަށް 1500 ރުފިޔާ އަދި 3 ވަނަ ދަރިވަރަކަށް 1000 ރުފިޔާ ވަނީ ދީފައެވެ. އަދި މުބާރާތުގެ ގޮފިތަކުން އެެއް ވަނައަށް 5000 ރުފިޔާ، ދެވަނައަށް 2500 ރުފިޔާ ދިންއިރު އަދި 3 ވަނައަށް ހޮވުނު ދަރިވަރަށް 1500 ރުފިޔާ ދީފައިވެއެވެ
