ހަނިމާދޫ ކައުންސިލްގެ ނައިބު ރައީސް ފިރާގް މުހައްމަދު ފޭސްބުކްގައި ކުރިޕޯސްޓެއްގައި ބުނީ މިއީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވައުދުވެވަޑައިގެންފައިވާ، 5 މިލިއަން ގަސް އިންދުމުގެ ޕްރޮގްރާމަށް އެއްބާރުލުން ދިނުމުގެގޮތުން ކުރިއަށް ގެންދިޔަ ހަރަކާތެކެވެ.
އިއްޔެ ހަރަކާތުގައި 50 ބަނބުކެޔޮ ގަސ1 ހަނިމާދޫގެ އެކިހިސާބުގައި އިންދާފައިވާނެ ކަމަށް ފިރާގް ވަނީބުނެފައެވެ.
ރައީސް މުޢިއްޒުގެ ވެރިކަމުގެ ދައުރުގެ 5 އަހަރު ތެރޭގައި 5 މިލިއަން ގަސް އިންދެވުމުގެ ޕްރޮގްރާމެއް ހިންގެވުމަށް ނިންމަވާފައިވާކަން އެމަނިކުފާނު އިއުލާންކުރެއްވީ ތިމާވެށީގެ ކަންކަމާއި ގުޅޭގޮތުން މަޝްވަރާކުރުމަށް ބާއްވާ އެންމެ ބޮޑު ބައްދަލުވުންކަމުގައިވާ “ކޮޕް28″ގައެވެ. ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވައުދުވެވަޑައިގެންފައިވާ، 5 މިލިއަން ގަސް އިންދުމުގެ ޕްރޮގްރާމް އިފްތިތާޙުކޮށްފައި ވަނީ 5 ޖޫން 2024 ގައެވެ.
