އޭޝިއަން ޔޫތު ގޭމްސް ގައި ބައިވެރިވާ ފެތުންތެރިންގެ ޓީމު ބަހްރޭނަށް ފުރައިފިއެވެ.
މި މުބާރާތް ބޭއްވުމަށް ހަމަޖެހިފައިވަނީ އޮކްޓޯބަރު މަހުގެ 20 ވަނަ ދުވަހުން ފެށިގެން ނޮވެމްބަރު މަހުގެ 2 ވަނަ ދުވަހުގެ ނިޔަލަށް ބަހްރޭނުގައެވެ.
މި މުބާރާތުގެ ފެތުމުގެ އިވެންޓްތައް ކުރިއަށް ގެންދިއުމަށް ހަމަޖެހިފައިވަނީ އޮކްޓޯބަރު މަހުގެ 28 ވަނަ ދުވަހުން ފެށިގެން އޮކްޓޯބަރު މަހުގެ 31 ވަނަ ދުވަހުގެ ނިޔަލަށެވެ.
ބަހްރޭނުގައި ކުރިއަށްދާ ބައިނަލްއަގުވާމީ މި މުބާރާތުގައި ރާއްޖެއިން ނުވަ ފެތުން ތެރިއަކު ވާދަކުރާނެއެވެ.
މި މުބާރާތުގައި ވާދަކުރާ ދިވެހި ފެތުންތެރިންގެ ތެރޭގައި ހިމެނެނީ އަމްނާ ތަޒްކިޔާ މިރުސާދު އާއި އަޔާނާ އަރީފްގެ އިތުރުން ދާލިޔާ އާއިދާ ލަތީފް އާއި އިޒްޔާން ނާޒިމް އަދި ލޫތު މުހައްމަދު ހުސައިންގެ އިތުރުން މަކީން އަހުމަދު ޝަކީބުއެވެ. މީގެ އިތުރުން މި މުބާރާތުގައި މަލާއިކާ ލިންދާ އިމްރާން އާއި ސާރާ މުހައްމަދު އަދި ޝައިމް ހުސައިން އިބްރާހީމް ގެ އިތުރުން ޒުކައިން އަބްދުﷲ ހަނީފުވެސް މި މުބާރާތުގައި ރާއްޖޭގެ ފެތުންތެރިންގެ ތެރޭގައި ހިމެނެއެވެ.
