އެމްއެންޑީއެފްއިން މިއަދު ބުނީ ތާޖް އެގްޒޯޓިކާ ރިސޯޓު ކައިރިއަށް ބަންޑުން ޖަހާލާފައިވަނީ “ބަލްމާ-6” ނަމަކަށް ކިޔާ މުދާ އުފުލާ ބޯޓެއް ކަމަށެވެ.
އެ އުޅަނދުގައި ހަތަރު މީހުން ދަތުރުކުރިއިރު، އެތަނުން ދެ މީހަކު އެ ސަރަހައްދުން ދަތުރުކުރި ދޯންޏަކަށް ވަނީ ނަގާފަ އެވެ. އަނެއް ދެ މީހުން ހޯދުމުގެ މަސައްކަތް އެމްއެންޑީއެފްއިން ދަނީ ކުރަމުންނެވެ. ގެއްލިގެން ހޯދަނީ ދިވެއްސަކާއި ބިދޭސީއެކެވެ.
އެ ބޯޓު ބަންޑުން ޖަހާލީ ކީއްވެ ކަމެއް އަދި ސާފެއް ނުވެ އެވެ.
