ހދ. ހަނިމާދޫގައި ގާއިމުކޮށްފައިވާ ޑްރަގް ޑިޓޮކްސިފިކޭޝަން އެންޑް ކޮމިޔުނިޓީ ރިހެބިލިޓޭޝަން ސެންޓަރުން ފަރުވާ ހޯދަން ގޮސް ހުއްޓާ މިއަދު ނިޔާވި ޒުވާނާގެ ކޮވިޑް ސާންޕަލް ނެގެޓިވްކަމަށް ހަނިމާދޫ ކައުންސިލުން ހާމަކޮށްފިއެވެ.
ހަނިމާދޫ ކައުންސިލުގެ ވަގުތީ އެސް.ޖީ އިބްރާޙީމް ޢަލީ ‘ގޮށްކޮޅު’ އަށް މައުލޫމާތު ދެއްވަމުން ވިދާޅުވީ އެ ޒުވާނާ ކޯވިޑަށް ޓެސްޓްކުރުމަށް ނެގި ސާންޕަލް ނެގެޓިވް ކަމަށެވެ. އަދި މިހާރު މަސައްކަތް ކުރަމުން ދަނީ އެޒުވާނާގެ ހަށިގަނޑު މާލެ ފޮނުވާލުމުގެ މަސައްކަތް ކަމަށް އޭނާ ވިދާޅުވިއެވެ.
މިވަގުތު އެ ޒުވާނާގެ ހަށިގަނޑު އޮތީ ހަނިމާދޫ ސިއްހީ މަރުކަޒުގައެވެ.
