ޕީއެސްޖީ ތާވަލްގެ ދެވަނައަށް ވެއްޓުނުއިރު، ނޭމާއަށް ރަތް ކާޑެއް

ކުޅިވަރު ފަހުގެ

ފްރެންޗް ލީގުގައި ހޮނިހިރު ދުވަހުގެރޭ ލިލް އަތުން ބަލިވެ ތާވަލުގެ ދެވަނައަށް އެންމެ ފަހުގެ ޗެމްޕިއަން ޕީއެސްޖީ ވެއްޓުނުއިރު، ޗުގެ އިތުރު ވަގުތުގައި އެ ޓީމުގެ ނޭމާއަށް ރަތް ކާޑެއް ދައްކައިފިއެވެ.

އަމިއްލަ ދަނޑުގައި ކުޅުނު މެޗުން ޕީއެސްޖީ ބަލިވީ 1-0 ގެ ނަތީޖާއަކުންނެވެ.

އިޝްތިހާރު ޖެއްސެވުމަށް ގުޅުއްވާ

މި މެޗުގައި ޕީއެސްޖީން ގިނަ ހަމަލާތަކެއް އުފެއްދި ނަމަވެސް، މެޗުގައި ފެނިގެންދިޔަ ހަމައެކަނި ލަނޑު ލިލްއިން ކާމިޔާބުކޮށްފައިވަނީ މެޗުގެ 20 ވަނަ މިނެޓުގައެވެ. މި ލަނޑު އެ ޓީމަށް ކާމިޔާބުކޮށްދިނީ އުމުރުން 20 އަހަރުގެ ޖޮނަތަން ޑޭވިޑެވެ. އެކަމަކު ލިބުނު އަނިޔާއަކާ ގުޅިގެން ފުރަތަމަ ހާފުގައި އޭނާ ވަނީ ބަދަލުކޮށްފައެވެ.

މި މެޗުގައި ޕީއެސްޖީއަށް ކުޅެމުން އަންނަ ބްރެޒިލުގެ ތަރި ނޭމާއަށް ރަތް ކާޑެއް ދައްކާފައިވަނީ މެޗުގެ އިތުރު ވަގުތުގައެވެ. ދެވަނަ ރީނދޫ ކާޑާއެކު ނޭމާއަށް ރަތެއް ދެއްކީ އިތުރު ވަގުތުގައި ލިލްގެ ޑިފެންޑަރު ޓިއާގޯ ޑިޔާލޯއާ ދެމެދު ހިނގި ހަމަނުޖެހުމެއްގެ ތެރެއިންނެވެ. އެއާއެކު ނޭމާގެ އިތުރުން ޑިޔާލޯއަށްވެސް ވަނީ ދެވަނަ ރީނދޫ ކާޑާއެކު ރަތް ކާޑެއް ދައްކާފައެވެ.

މެޗުގެ ފަހު ވަގުތު ނޭމާއަށް ރަތް ކާޑެއް ދެއްކިއިރު، މިއީ މި ފަހަރު ލީގުގައި އޭނާއަށް ދެއްކި ދެވަނަ ރަތް ކާޑެވެ.

މި މެޗުން ޕީއެސްޖީ ބަލިވިއިރު، ތާވަލުގެ ދެވަނައަށް ޕީއެސްޖީ ވެއްޓުނީ ކުޅުނު 31 މެޗުން ލިބުނު 63 ޕޮއިންޓާއެކުއެވެ. އަދި ޕީއެސްޖީ ފަހަތަށް ޖައްސާލައި، އެއްވަނައަށް އެރި ލިލްއަށް 31 މެޗުން ވަނީ 66 ޕޮއިންޓް ލިބިފައެވެ.

އިޝްތިހާރު
އިޝްތިހާރު

ޚިޔާލު ފާޅުކުރައްވާ