ދިއްދޫން އިތުރު 6 މީހަކު ކޯވިޑަށް ޕޮޒިޓިވް، ޖުމްލަ އަދަދު 20އަށް

ޚަބަރު ފަހުގެ

ހއ.ދިއްދޫން އިތުރު 6 މީހަކު ޕޮޒިޓިވްވެ، ޖުމްލަ ޕޮޒިޓިވްވީ މީހުންގެ އަދަދު 20 އަރައިފިއެވެ.

މިމަހުގެ އެއްވަނަ ދުވަހު ދިއްދޫން ފެނުނު ކޯވިޑް ކޭސްއާއި ގުޅިގެން ރޭ އެރަށުން ނެގި 121 ސާމްޕަލްގެ ތެރެއިން 6 މީހެއްގެ ސާމްޕަލްވަނީ ކޯވިޑަށް ޕޮޒިޓިވްވެފައެވެ. އަދި އޭގެ ތެރޭން 40 ސާމްޕަލް ނެގެޓިވް ވެފައިވާއިރު 75 ސާމްޕަލެއްގެ ނަތީޖާ ނުލިބޭ ކަމަށް ހއ އަތޮޅު ހޮސްޕިޓަލުން ވަނީ ހާމަކޮށްފައެވެ.

އިޝްތިހާރު ޖެއްސެވުމަށް ގުޅުއްވާ

ދިއްދޫން ފެނުނު ކޯވިޑް ކޭސްއާއި ގުޅިގެން ޖުމްލަ 149 ސާމްޕަލް މިއަދާ ހަމަޔަށް ނަގާފައިވާއިރު އޭގެތެރެއިން 20 މީހުންގެ ސާމްޕަލް ވަނީ ޕޮޒިޓިވްވެފައެވެ. އަދި 7ގެ ކަރަންޓީން ކުރެވިފައިވާ ކަމަށް އެހޮސްޕިޓަލުންވަނީ ބުނެފައެވެ.

ދިއްދޫއިން އެންމެ ފުރަތަމަ މީހަކު ކޯވިޑް-19 އަށް ޕޮޒިޓިވްވެފައިވަނީ މި މަހުގެ އެއް ވަނަ ދުވަހުއެވެ. އެރަށުން ޕޮޒިޓިވްވެފައިވަނީ ބަލީގެ އަލާމާތްތަކެއް ހުރެގެން އެރަށުގަ ހުރި ފްލޫކުލިނިކަށް ދެއްކި މީހެކެވެ. ދިއްދޫން މީހަކު ޕޮޒިޓިވްވުމުން، ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ވަނީ ދިއްދޫ މޮނިޓަރިން ހާލަތަށް ގެނެސްފައެވެ.

އިޝްތިހާރު
އިޝްތިހާރު

ޚިޔާލު ފާޅުކުރައްވާ