މުޙައްމަދު ޖަމާލުއްދީން ސްކޫލްގެ ކިޔެވުން އެއް ދަންފަޅިއަށް ބަދަލުވެގެންދާނެ ކަމަށް އެޑިއުކޭޝަން މިނިސްޓްރީން ހާމަކޮށްފިއެވެ.
ފުވައްމުލައް ސިޓީގެ މުޙައްމަދު ޖަމާލުއްދީން ސްކޫލްގައި ޢިމާރާތް ކުރި 16 ކްލާސްރޫމާއި ކޮމްޕިއުޓަރ ލެބް ޢިމާރާތް، މިނިސްޓަރ އޮފް އެޑިޔުކޭޝަން ޑރ. ޢާއިޝަތު ޢަލީ ރަސްމީކޮށް މިއަދު ވަނީ ހުޅުއްވައިދެއްވާފިއެވެ. މި ޢިމާރާތާއެކު އެ ސްކޫލަށް ދިމާވެފައިވާ ޖާގައިގެ ދަތިކަން ޙައްލުވެ، އެއް ދަންފަޅިއަށް ކިޔަވައިދޭ ސްކޫލަކަށް މުޙައްމަދު ޖަމާލުއްދީން ސްކޫލް ބަދަލުވެގެންދާނެއެވެ.
މި މަޝްރޫޢުއަކީ 12،012،943.03ރ އަށް އިނޯކާ ޕްރައިވެޓް ލިމިޓެޑާ ޙަވާލުކޮށްގެން ކުރިއަށް ގެންދިޔަ މަޝްރޫޢެކެވެ.
